الاستاذ عربي
حمدي
هدي
جرجس
سليم
حازم
عماد
شخصيات الغابة
الفيل
القرد
حمدي : يعني ايه كلمة وطن
جرجس : يعني حضن يضمنا كلنا
هدي : يعني حب يجمعنا كلنا
حمدي : ما يفرقش بين مسلم ومسيحي
هدي : بين ابيض و اسود
جرجس : بين غني وفقير
بصوت واحد : وطن واحد جسد واحد يد واحدة
حمدي : قولي يا جرجس لاحظت هدي حزينة اليومي دول
جرجس : فعلا ورافضة تكلم حد
حمدي : الظاهر إن حد زعلها
جرجس : إحنا هنفضل نكلم بعض ونسيبها تكلم نفسها كده
حمدي : تعالي نشوفها بتقول ايه
( يقتربان من هدي )
هدي : وانا عملت ايه غلط في حياتي إنا كويسة مع الناس كلهم طب ليه كل ما اختلف مع حد بقولي أنتي قلبك زى وشك هو إنا ذنبي إني مش زيهم بيضة
جرجس : الظاهر ان هدي (يشير بيديه لراسه علامة الجنون )
حمدي : تفتكر كده
هدي : هو انا اللي اخترت لوني .. حد يقولي حد يفهمني
( تدخل مجموعة من الاطفال )
حازم : شايف الشلة الفاشلة يا عماد
عماد : شايف يا حازم
سليم : هيه الدنيا كل كده ليه
حمدي : عيب يا عماد
عماد : ده الواد الخرع بيتكلم
سليم : دي النملة طلع لها اسنان
جرجس : هاقول للاستاذ
حازم : ( مقاطعا ) استاذ استاذ هو ده اخرك
عماد : مش باقولك خرع ( يضكوا )
هدي : سيبهم يا حمدي دول بتوع مشاكل
سليم: شوف مين بيتكلم
حازم : ده الليل بطوله ( يضكوا . يشيروا لها ساخرين ) انتوا شايفينها ازاي
عماد : من الطرحة
( تبكي . يهجم جرجس علي عماد . يطرح عماد جرجس علي الارض )
هدي : ( تصرخ ) الحقنا ياأستاذ عربي
( يدخل الاستاذ عربي يفصل الاطفال بعيدا عن بعضهم )
عربي: قولولي أيه اللي حصل بالظبط
عماد : ( باكيا ) يرضيك ان الواد جرجس يهجم عليه ويضربني
سليم : ايوه ونازل يشتم فينا كلنا من غير سبب
حمدي : كداب
حازم : وكل ما نقول له عيب يشتمنا بكلام عيب نقوله في المدرسة .. عشان احنا متربيين
هدي : كدابين
عربي : مش عارف ليه انا مش مصدقكم
حازم : أنت كده يا أستاذ دايما منحاز لجرجس
عربي : لأ ني عارف جرجس وهدي وحمدي مؤدبين .. و شطار وعمر ماحد اشتكي منهم
اما انتم مشاكلكم مستمرة كل يوم .. والطلاب كلها بتشتكي منكم
حازم : انت يا استاذ بتحبهم اكتر مننا
سليم : ايوه وانا شاهد علي المعاملة الوحشة اللي بتعاملها لينا .. مش كده يا عماد
عماد : انا قولت لبابا عموما وهو هيتصرف مع الاستاذ
حازم : وطبعا انت والدك ياعماد رئيس مجلس الاباء وعضو مجلس محلي مين قدك
عربي : انتوا بتهددوني .. هيه حصلت
( يدخل مدير المدرسة عزت ومعه سيدة و راضي )
عزت : فيه ايه يا استاذ عربي لامم العيال حواليك ليه
سيدة : اكيد بيديهم درس في الاخلاق والوطنية
عزت : تمام تمام .. ازيك يا عماد اخبارك واخبار والدك ايه, .. يا تري افتكر الطلب اللي قولت له عليه بخصوص تعيين حماده ابني
عربي : ده عماد يا
عزت : مالك يا عماد يا حبيبي حد هنا مزعلك
عماد : انا هاقول لبابا ينقلني من المدرسة دي
عزت: ( مفزوعا ) ليه يا حبيبي
راضي : قول اللي مزعلك مين وان اكسر
عربي : انا
راضي : انا هاكسر ( يتوقف ) انت يا استاذ عربي
سيدة : يا جماعة اكيد الموضوع فيه سوء تفاهم .. الاستاذ عربي مايقصدش يزعل عماد الولد المهذب ده
عربي : ده ولد قليل الادب
عزت : يا خبر ابيض ( يأخذ عربي جانبا ) انت عارف اللي انت زعلته ده ابن مين
عربي :عارف
راضي : وعارف لو الموضوع ده وصل لوالده هيعمل فيك وفينا وفي المدرسة كلها ايه
عربي : عرف بس الولد ده قليل الادب
سيدة: ده بيعيدها تاني
عزت : انت مصر تزعلني منك وده هيأثر علي تقريرك السنوي .. ده غير اني هاحولك للتحقيق .. بتهمة سب طالب وتعنتك معاه عشان الدروس الخصوصية
عربي: بس انت عارف اني ما بديش دروس خصوصية
عزت : ابقي اثبت في التحقيق
سيدة : يا استاذ عربي اهدي كده واسمع الكلام وخليك مطيع تسلك
عربي : بس الولد عامل مشاكل مع الطلبة زمايله .. ده غير انه عامل عصابة ودول ولاد ناس برضة
راضي : دي شقاوة عيال .. طول عمرنا بنشوف العيال بتضرب بعضها وبتنضرب
سيدة: وبعدين انت شايف ان المدير بيكلمه عشان يشغل ابنه .. قصدي عشان والده يشغل ابنه..اعمل خاطرا للمدير
عزت : لا انا زعلان منك يا استاذ عربي
عربي : انا اسف يا فندم .. بس الولد شوفته بيهين زمايله ويتريق علي ده عشان لونه وده عشان عقيدته .. وده شيء ما يرضيش حد
راضي : عربي إحنا قولنا إيه ( يشير لعماد ) تعالي يا حبيبي ألأستاذ ما يقصدش يزعلك بس أنت يلاش تمشي مع الشلة دي
عزت : تعالي ياولد هنا منك له
روحوا علي فصولكم وبلاش مشاكل ( يخرجوا جميعا )
عزت : وانت يا عماد روح فصلك ووصي والدك ماتنساش
( يمشي عادل وهو ينظر بانتصار لعربي )
عربي : كده يا فندم بدون عقاب
عزت : اسمع يا عربي تقويم العيال مش لازم يكون بالعصايا ولا بالاهانة
عربي : ولا بالطبطبة
عزت : ماحليتناش غيرها في مواجهة هجوم اعلامي لوث سمعة المعلم و سحب صلاياته وحوله من مربي لمجرد مدرس بسيط اسمع ..انا داخلين علي مهرجان انشطة للمدارس
وعاوزين مسرحية من تاليفك فاهم
راضي : الاستاذ عربي عاقل وشاطر
عزت : يلا بينا نمر علي باقي المدرسة .. ورانا شغل ( يخرجوا )
عربي : ( لنفسه ) يا تري اكتب مسرحية مسرحية إيه .. لازم اكتب مسرحية عن الوطن
عن المواطنة .. وطن واحد للجميع
تفتح الستارعلى الراوييقول.كان يامكان ياساده ياكرام...غابه عيشين فيها حيوانات كتيرمن كل نوع مبسوتين وفرحانين وكانت الغابه دى هيه وطنهم اللى بيعيشوا فيه
وفجاه ظهر فيل فى الغابه وفكر مع تفسه وقــــــــــــــــــــــــال/
الفيل: انا عاوز اعيش فى الغابه دى كلها لوحدى اجرى واتنتطت وكسركل شجر الغابه واهدم كل جحر الارانب وعش العصافير كمان واعيش فى حريه
القرد: اذاى عاوز تعيش لوحدك قى الغابه
الفيل:ايوه من غير ارانب في حفر ولاقرود على شجر
الارنب: ازاى بتقول الكلام ده الغابه دى وطنى وطنا كلنا بيعيش فيها القرد والفيل العصافيروانت كمان بتعيش معانا فى نفس الوطن فى الغابه
الفيل: انا عاوز اعيش فى حريه اجرى والعب من غير حساب لحد ومن غير أي شجر ولا عصافير تصرخ فى ودانى ولا قرد يتنطت فوق دماغى وهادوس على كل الارانب اللى فى الجحور .. هادوس .. هادوس
القرد: على فكره انت فاهم الحريه غلط الحريه لازم تراعى اللى حوالليك ومش على حساب غيرك مش تكسر .. مش تخبط وتكسر وتقول حريه
الارنب: يعني علشان انت ربنا مديك شويه قوه تروح تكسر وتخبط فينا وفى كل الغابه
الفيل : هاهاها .. شوية قوة هو فيه اقوي مني في الغابة .. لا في الدنيا كلها هاهاها
القرد: القوى فيه الاقوه منه خلى بالك من الكلام ده
(ثم يظهر العربى
الراوي : وتمر الايام والفيل عمال يكسر فى الشجر ويهدم الجحور ويقع الفيل فى فخ الصياد ويصرخ بصوت عالى ....
الفيل : الحقونى الحقونى
الارنب: ايه دى ده صوت الفيل ..
القرد : باين عليه واقع فى مشكله معاه ..
القرد : تعالي نشوف ايه اللى جرى
(وفى نفس الوقت يسمع القرد الصوت
الارنب: ده صوت الفيل لما اشوف فيه ايه
(يظهر الفيل وهو فى فخ الصياد)
القرد: معقولة الفيل اقوي حيوان في الغابة واقع في حفرة
الارنب : ومش قادر يطلع منها
القرد : امال كنت عاوز تعيش لوحدك في الغابة ازاي
الفيل : ساعدوني الاول
الارنب : كان نفسي اساعدك بس انت عارف الفيل هدي ليه بيتي ومضطر اروح ادور علي مكان تاني اعيش فيه
القرد : الحال من بعضه الغابة لا عاد فيها شجر اتنطط عليه ولا ثمر اكل منه تعالي ندور علي وطن تاني نلاقي فيه الحب والحنان اللي ضاع مننا هنا
الفيل : استنوا انقذوني وهاحل مشاكلكم كلها .. ارجوكم
الارنب والقرد: ماتخافش يافيل احنا جيين نساعدك
الارنب: انا ها عملك حفر كتيره فوق بعض علشان تطلع عليها
القرد: و انا هاجبلك اغصان الشجر والفروع علشان تسند عليها بس امسك كويس فيها
(ونجحت المساعده والارنب والقرد انقزوا الفيل من فخ الضياد)
الفيل: شكرا ياارنب انت والقرد مش عارف من غيركم كنت هاعمل ايه فعلا احنا لازم نعش مع بعضيتا فى وطن واحد وطن واحد للجميع ....
.(تقفل الستار. ثم يظهر الراوي )
الراوي: فعلا واطن واحد للجميع ...ويا ساده باكرام عاشت الافيال مع الارانب والقرود والعصافير فى مكان واحدوفى وطن واحد رغم اختلاف اجناسهم و احجامهم و اشكالهم والى هنا ينتهى كلامنا
بس ياتري اتعلمنا وللا لسه
ترابيس الماض مغمضه عيونا
دعوة حب مش هنتعب من تكراراها
تمـــــــــــــــــــــــــــــــت
مهما قلنا مهما حكينا عن الوطن
مهما شرحنا وفسرنا معانيه
في قلب الكتب معني بارد
تفسيرات جغرافية وتضاريس
وحاجات يتوه العقل فيها
والوطن في ابسط معانيه انا وانت والآخر
نعيش فيه نبنيه
طوبة طوبة نعليه
يا خوانا افهمه
تاريخ عمره الآف السنين
عمره جدودنا المخلصين
من غير تصنيفات عرقية ساذجة
ولا يفرقوا بين انسان وانسان عشان
لون
تعالوا نحب الوطن
تعالوا نعليه
حكايتنا حكاية شباب هما زهرة حياتنا
في مدرسة من القرون الوسطي
كان التعليم فيه واسطة
و بين الركام كان العلام
قصدي التعليم كلمة ورا كلمة بتترص
ظهر استاذ عربي مخلص وآمين
بدول ما اطول عليكم تعالوا
نشوف الاحوال ونعرف
كيف اتصرف الاستاذ عربي فيها
ليست هناك تعليقات:
إرسال تعليق